Ҳамид Карзай ба Тоҷикистон омад
Душанбе, 24 март. (АМИТ «Ховар», Дилшодаи Хайруллоҳ).- 24 –уми март Президенти Ҷумҳурии Исломии Афғонистон Ҳамид Карзай ба пойтахти Тоҷикистон – шаҳри Душанбе омад. Бегоҳии ҳамин рӯз вохӯрии сарони ду кишвар -Эмомалӣ Раҳмон ва Ҳамид Карзай аввал дар шакли як ба як, сипас бо иштироки ҳайатҳои васеи намояндагони ҳарду кишвар барпо мешавад. Дар чаҳорчӯби сафари хеш дар Тоҷикистон Президенти Афғонистон дар маросимҳое, ки ба шарафи иди байналмилалии Наврӯз ва Конфронси панҷуми минтақавии ҳамкориҳои иқтисодӣ доир ба Афғонистон (RECCA-V) доир мегарданд, иштирок менамояд.