Ҳамкориҳои кишоварзон бо IFC

Март 9, 2012 17:41

Душанбе, 9 март. (АМИТ «Ховар», Дилшодаи Хайруллоҳ).-6 март дар Вазорати кишоварзии Ҷумҳурии Тоҷикистон вохӯрии вазири кишоварзӣ Қ.Қосимов бо менеҷери барномаи бехатарии маҳсулоти озуқавории Ҷумҳурии Беларус хонум Олга Щербина ва оператори калон оид ба ҳамкориҳо хонум Селма Расавак доир гардид. Дар вохӯрӣ ҳамкориҳои дуҷониба миёни вазорати кишоварзӣ ва намояндаи Корпоратсияи байналмилалии молиявӣ (IFC) оид ба рушди ҳамкориҳо баҳри амалӣ намудани барномаи бехатарии маҳсулоти озуқаворӣ мусбат арзёбӣ гардид. Ёддовар мешавем, ки Корпоратсияи байналмилалии молиявӣ (IFC) институти глобалии молиявӣ буда, ба гурӯҳи Бонки Умумиҷаҳонӣ дохил мешавад ва 50 сол боз баҳри рушди сектори хусусии давлатҳои тарақкикунанда кӯмак мерасонад. Корпоратсияи мазкур асосан хизматрасониҳои зеринро дар рушди сектори хусусӣ: таъмини қарзҳои дарозмуддат ва грантҳоро бо мақсади татбиқи лоиҳаҳо бо асъори ватанию хориҷӣ амалӣ менамояд.Дар Ҷумҳурии Тоҷикистон фаъолияти IFC асосан дар рушди истеҳсол ва коркарди маҳсулоти кишоварзӣ дар муассисаҳои хурди тиҷоратӣ ба роҳ монда шудааст. Инчунин дигар ташаббусҳо дар рушди бахши инфиродии иқтисодӣ дастгирӣ меёбанд. Аз соли 2004 инҷониб (IFC) дар Ҷумҳурии Тоҷикистон лоиҳаҳо оид ба рушди тиҷорати хурду миёна, рушди молиявии кишоварзӣ ва беҳбудии соҳибкории миёна, фаъолияти идораи кооперативӣ, дастгирии байнисарҳадии қарзҳои хурд ва хадамоти машваратиро амалӣ менамояд.

Март 9, 2012 17:41

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд