Ҳамкории хадамоти махсуси кишварҳои ИДМ
Душанбе, 2 март. (АМИТ «Ховар», Пайрав Назаров). – Маркази зиддитеррористии ИДМ аз 29 феврал то 1 марти соли 2012 дар шаҳри Одинсовои вилояти Маскав Маҷлиси машваратии V роҳбарон (сардорони ситодҳо) – и марказҳои зиддитеррористии миллии давлатҳои аъзои ИДМ, намояндагони хадамоти махсус ва мақомоти ҳифзи ҳуқуқро дар мавзӯи «Нақшу рисолати мақомоти амният, хадамоти махсус ва мақомоти ҳифзи ҳуқуқи ИДМ дар таъмини амнияти АвруОсиё» доир намуд. Мақсад аз ин чорабинӣ ҳамоҳангсозии фаъолияти муштарак ва муайян намудани муносибатҳои умумию самарабахш дар муборизаи зидди терроризм ва ифротталабии байналмилалӣ дар фазои АвруОсиё мебошад.Дар маҷлиси машваратӣ намояндагони хадамоти махсус ва мақомоти ҳифзи ҳуқуқи давлатҳои аъзои ИДМ, аз ҷумла Тоҷикистон, Кумитаи иҷроияи ИДМ, СҲШ, СААД, ВКХ Русия, ҳамчунин намояндагони доираҳои илмие, ки ба таҳлили ҷанбаҳои мухталифи вазъ ва таҳдид ба амнияти фазои АвруОсиё машғуланд, ширкат доштанд.Дар нишасти матбуотӣ, ки аз рӯи натиҷаи машварат доир гардид, роҳбари Маркази зиддитеррористии ИДМ А.Новиков зикр намуд, ки вазифаҳои асосии Марказ иборат аз таҳлили вазъияти ҷорӣ ва дидани чораҳои амалӣ ба манзури аз таҳдиди терроризму ифроталабии байналмилалӣ эмин гардонидани давлатҳои минтақаи Осиёи Марказӣ мебошад. Дар ин бора аз дафтари матбуоти Сафорати Ҷумҳурии Тоҷикистон дар Федератсияи Русия ба АМИТ «Ховар» хабар доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






