Ҳамкории ХМ ҶТ бо СБМ
Душанбе, 29 март. (АМИТ «Ховар», Лутфия Эшонқулова). – Моҳи майи соли равон дар шаҳри Душанбе маросими муаррифии нақшаҳои минбаъда ва эълони авлавиятҳои Намояндагии Созмони байналмилалии муҳоҷират дар Тоҷикистон баргузор мегардад. Директори генералии Созмони байналмилалии муҳоҷират (СБМ) Уилям Лесли Слинг ва раиси намояндагии СБМ дар Тоҷикистон Зайнал Ҳоҷиев дар ҷараёни мулоқот дар ин бора ба роҳбари Хадамоти муҳоҷирати ҶТ Сафиалло Девонаев хабар доданд.Тавре дар Хадамоти муҳоҷирати назди Ҳукумати ҶТ ба АМИТ «Ховар» хабар доданд, ҷонибҳо масъалаҳои вазъи ҳамкорӣ дар бахши ҳамоҳангсозии муҳоҷирати меҳнатӣ дар Тоҷикистонро муҳокима намуданд.Сафиалло Девонаев ба меҳмонон аз фаъолияти Хадамоти муҳоҷират ва самтҳои ояндаи кори он нақл кард. Сардори Хадамоти муҳоҷирати ҶТ таваҷҷӯҳи Директори генералии Созмони байналмилалии муҳоҷиратро ба зарурати расонидани кӯмак ҷиҳати ташкили марказҳои таълимӣ барои тарбияи мутахассисоне, ки бояд дар хориҷа кор кунанд, ҳамчунин ба омӯзиши забони англисӣ ҷалб намуд. Дар ҷараёни мулоқот Ёддошт дар бораи ҳамкории байни Муҳоҷирати меҳнатии назди Ҳукумати ҶТ ва Намояндагии Созмони байналмилалии муҳоҷират дар ҷумҳурӣ имзо гардид.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
