Ҳамкории Тоҷикстандарт бо Олмон
Душанбе, 12 март. (АМИТ «Ховар», Покиза Маҳмадбекова). — Тибқи Созишномаи байни Агентии «Тоҷикстандарт» ва Донишкадаи физикию техникии Олмон (РТВ) аз 5 то 9 марти соли равон дар озмоишгоҳҳои метрологии Агентӣ бо иштироки экспертҳои донишкадаи номбурда бори аввал дар Тоҷикистон муқоисаҳои байнилаборатории байналмилалии эталонҳои вазн, ҳарорат ва фишор гузаронида шуд. Ба мухбири АМИТ «Ховар» аз Агентии «Тоҷикстандарт» иттилоъ доданд, ки дар ҷамъбаст мутахассисони озмоишгоҳҳои метрологии «Тоҷикстандарт» натиҷаҳои назаррас ба даст оварда, сазовори баҳои баланди провайдерҳои байналмилалии Донишкадаи физикию техникии Олмон гардиданд. Инчунин давоми як ҳафта аз тарафи экспертҳои РТВ барои мутахассисони озмоишгоҳҳои метрологии Агентӣ дар мавзӯи «Тарзи ҳисоб кардани буҷаи номуайянии ченкуниҳо» семинари омӯзишӣ гузаронида шуда, иштирокчиёни он соҳиби сертификат гардиданд. Ҳамзамон экспертҳои Донишкадаи физикию техникии Олмон баҳри омода намудани ду озмоишгоҳи метрологии Агентӣ барои аз аккредитатсияи байналмилалӣ гузаштан тибқи стандарти байналмилалии ИСО 17025 ба мутахассисони озмоишгоҳҳои метрологӣ ёрии методӣ расониданд.
Дар Шаҳринав даври ноҳиявии озмуни «Кадбонуи беҳтарин» доир гардид
Имрӯз дар водиҳои Тоҷикистон ҳаво то 30 дараҷа гарм мешавад
Имрӯз дар шаҳри Душанбе ҳаво то 21 дараҷа гарм мешавад
Имрӯз дар ноҳияҳои алоҳидаи Тоҷикистон чангу ғубор ба амал меояд
Имрӯз дар Тоҷикистон ҳавои тағйирёбандаи бебориш дар назар аст
Дар шаҳри Душанбе дарси маҳорати байналмилалӣ оғоз гардид
Дар ноҳияи Рӯшон кишти баҳорӣ оғоз гардид
Имрӯз дар Тоҷикистон бориши борон пешгӯӣ мешавад
Имрӯз дар Тоҷикистон чангу ғубор ба амал меояд
Форуми байналмилалии ҳамкорӣ ба хотири рушди устувор Тоҷикистонро чун давлати дорои иқтисоди сабз ва рақамӣ муаррифӣ менамояд
«МегаФон Life»: чӣ тавр аз Русия метавон бо манфиат занг зад
«ТОҶИКОНА МЕПӮШЕМ!». Занону духтарони шаҳри Турсунзода тарғибгари либоси миллӣ мебошанд
