Ҷаласаи комиссияи сеҷониба
Душанбе, 29 март. (АМИТ «Ховар»).- Таҳти раисии муовини Сарвазири Ҷумҳурии Тоҷикистон-ҳамоҳангсози Комиссияи сеҷонибаи танзими муносибатҳои иҷтимоию меҳнатӣ дар Ҷумҳурии Тоҷикистон Руқия Қурбонова, ҷаласаи навбатии Комиссияи мазкур, ки шумораи баробари намояндагони Ҳукумати Ҷумҳурии Тоҷикистон, иттиҳодияҳои корфармоёни Ҷумҳурии Тоҷикистон ва Федератсияи иттифоқҳои касабаи мустақили Тоҷикистон дар бар мегирад, доир гардид. Дар ҷаласа иҷрои Cозишномаи генералии байни Ҳукумати Ҷумҳурии Тоҷикистон, Иттиҳодияи корфармоёни Ҷумҳурии Тоҷикистон ва Федератсияи иттифоқҳои касабаи мустақили Тоҷикистон барои солҳои 2009-2011 ҷаммъбаст гардида, лоиҳаи Cозишномаи генералии байни Ҳукумати Ҷумҳурии Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи корфармоёни Ҷумҳурии Тоҷикистон барои солҳои 2012-2014 мавриди баррасӣ қарор дода шуд. Тибқи тартиби муқарраргардида аз ҷониби Ҳукумати Ҷумҳурии Тоҷикистон, Вазири меҳнат ва ҳифзи иҷтимоии аҳолии Ҷумҳурии Тоҷикистон, Маҳмадамин Маҳмадаминов, аз ҷониби Федератсияи иттифоқҳои касабаи мустақили Тоҷикистон, раиси он Муродалӣ Солеҳов ва аз ҷониби Иттиҳодияи корфармоёни Ҷумҳурии Тоҷикистон, раиси он Азизбек Шарипов роҷеъ ба иҷрои Созишнома гузориш доданд. Дар гузоришҳо зикр гардид, ки дар доираи Созишномаи мазкур лоиҳаи як қатор санадҳои меъёрии ҳуқуқӣ таҳия ва қабул гардиданд, ки татбиқи онҳо ба густариши минбаъдаи усули шартномавии танзими муносибатҳои иҷтимоию меҳнатӣ мусоидат хоҳанд кард. Ҳамчунин таъкид гардид, ки ҳамкории сетарафа ба ҳалли бисёр проблемаҳои иҷтимоӣ, аз қабили пардохти музди меҳнат, таъсиси ҷойҳои кории нав ва таъмини кафолатҳои меҳнатию иҷтимоии кормандони кироя ва аъзои оилаи онҳо мусоидат мекунад. Дар робита ба ҳамин зикр гардид, ки танҳо дар соли 2011 тақрибан 400,0 ҳазор нафар наврасону кўдакон ҳангоми таътили тобистона ба истироҳату солимгардонӣ фаро гирифта шудаанд, ки бо ин мақсад аз ҳисоби ҳамаи манбаъҳо тақрибан 3,2 миллион сомонӣ ҷудо ва харҷ гардидааст. Илова бар ин, тибқи Рўзномаи маҷлиси Комиссия лоиҳаи Созишномаи генералии байни Ҳукумати Ҷумҳурии Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи корфармоёни Ҷумҳурии Тоҷикистон барои солҳои 2012-2014 мавриди баррасии ҳамаҷонибаи аъзои Комиссияи сетарафа ва дигар ширкаткунандагони маҷлис қарор дода шуда, дар маҷмўъ маъқул дониста шуд. Ҳамзамон бо ин, ҷиҳати комилтар гардидани лоиҳаи Созишнома аз ҷониби ширкаткунандагон якчанд пешниҳоду тавсияҳо ироа гардиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






