Ҷойгоҳи Наврӯз дар сарчашмаҳои тоисломӣ
Душанбе, 16 март.(АМИТ «Ховар», Марзия Саидова).-«Ҷойгоҳи Наврӯз дар сарчашмаҳои тоисломӣ ва исломӣ»- таҳти чунин унвон 29 марти соли равон дар Душанбе конфронси илмию назарӣ баргузор мегардад. Ин чорабинӣ бо ибтикори Маркази исломшиносии назди Президенти ҷумҳурӣ дар доираи таҷлили ҷашни байналмилалии Наврӯз гузаронида мешавад. Интизор меравад, ки дар конфронс олимону донишмандон доир ба сарчашмаҳои динию таърихӣ ва ҷанбаҳои фарҳангии Наврӯз, оини маздопарастӣ ва робитаи он бо арзишҳои маънавии Наврӯз, Авасто ва фарҳанги Наврӯз, моҳияти этнофарҳангии Наврӯз ва инъикоси он дар сарчашмаҳои динию таърихӣ, асли дунявият ва масъалаҳои сарчашмашиносӣ доир ба адабиёти наврӯзӣ табодули назар менамоянд. Мавриди зикр аст, ки соли равон ҷашни байналмилалии Наврӯз дар пойтахти Ҷумҳурии Тоҷикистон –шаҳри Душанбе дар сатҳи баланд бо ҳузури сарони кишварҳои минтақа ва ҳайатҳои баландпояи беш аз 40 давлати ҷаҳон таҷлил мегардад. Наврӯз аз ҷашнҳои қадимтарини мардумони эронинажод буда, баргузории он бори нахуст дар аҳди Ҷамшед сурат гирифт.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
