Ҷоми чемпионҳои Аврупо: “Бавария”-“Базел” — 7:0
Душанбе, 14 март. ( АМИТ «Ховар», Аловиддин Бӯриев).- Дар даври 1/8 ниҳоии Ҷоми чемпионҳои Аврупо дирӯз клуби “Бавария”-и Олмон “Базел”-ро бо натиҷаи қотеъи 7 бар 0 шикаст дод. Голҳоро Роббен, 11 (1:0), Мюллер, 42 (2:0), Гомес, 44 (3:0), Гомес, 50 (4:0), Гомес, 61 (5:0), Гомес, 67 (6:0), Роббен, 81 (7:0) ба самар расониданд. Дар бозии дуввуми рӯз дастаи “Интер” “Марсел”-ро бо ҳисоби 2 бар 1 мағлуб намуд, вале аз натоиҷи ду вохӯрӣ “Марсел” ба даври минбаъда гузашт. Имрӯз дар идомаи ин вохӯриҳо клуби шоҳонаи “Реал” бо ССКА-и Маскав ва “Челси” бо “Наполи” қувва меозмоянд.