2394 зан – роҳбар дар Суғд

Душанбе, 9 март. (АМИТ «Ховар», Бекназари Абӯбакр). — Дар арафаи таҷлили Рӯзи Модар дар шаҳри Хуҷанд ҷамъомади тантанавӣ баргузор гардид.Дар он раиси вилояти Суғд Қоҳир Расулзода зикр намуд, ки соли чаҳорум аст дар Тоҷикистон бо ибтикори Президенти мамлакат Эмомалӣ Раҳмон санаи 8 – уми март чун Рӯзи Модар ва рамзи эҳтирому арҷгузорӣ ба мақому мартабаи зан – модар таҷлил мегардад ва ба яке аз идҳои бошукӯҳ ва писандидатарини мардум табдил ёфтааст. Қоҳир Расулзода донишро барои зан — модар пирояи асосӣ хонда, арз дошт: «модаре, ки савод ва дониши комил дорад, албатта, фарзандро шоиста тарбия менамояд, зеро зан ва модари бомаърифат муайянкунанда ва ташаккулдиҳандаи маърифат ва маънавиёти ҳар як миллат аст.Аз Хадамоти матбуоти раиси вилояти Суғд ба АМИТ «Ховар» иттилоъ доданд, ки ҳоло шумораи занони роҳбар дар вилояти Суғд ба 2394 нафар расидааст.