Афзоиши таҳсили пулакӣ

Душанбе, 9 март. (АМИТ «Ховар», Лаззат Диловарзод),- Тарзи таълими пулакӣ барои донишҷӯён торафт васеъ мегардад,- иброз доштанд дар Агентии омори назди Президенти ҷумҳурӣ ба мухбири АМИТ «Ховар».Тибқи маълумоти манбаъ, соли таҳсили ҷорӣ дар шароити пардохти пурраи хароҷоти таълим 13,3 ҳазор нафар ё 33,1 фоизи шумораи умумии донишҷӯён таҳсил мекунанд. Дар асоси қарордод бо пурра пардохтани хароҷоти таълим ҳамагӣ 4 ҳазору 973 нафар донишҷӯ ба мактабҳои олӣ фаро гирифта шудааст.Дар айни замон дар муассисаҳои таҳсилоти миёнаи касбӣ 14,2 ҳазор нафар донишҷӯ таҳсил менамояд. Дар 51 муассисаи таҳсилоти миёнаи касбӣ 40 ҳазор нафар донишҷӯ таҳсил менамояд. Шумораи донишҷӯён дар шӯъбаҳои рӯзона 32,2 ҳазор нафар буда, 55,1 фоизи шумораи умумии онҳоро духтарон ташкил медиҳанд. Шумораи зиёди духтарон (72 фоиз) дар коллеҷҳои тиббӣ, омӯзгорӣ ва омӯзишгоҳҳо ба таҳсил фаро гирифта шудаанд. Дар соли таҳсили 2011- 2012 дар ҷумҳурӣ 27 адад муассисаи мустақил -(донишгоҳ, донишкада ва академияҳо) ва 6 филиали таҳсилоти олии касбӣ фаъолият дорад.