Авфшудаҳои калбакӣ

Душанбе, 19 март. (АМИТ «Ховар», Лаззат Диловарзод),- Мӯҳлати татбиқи Қонуни Ҷумҳурии Тоҷикистон «Дар бораи авф» (20. 08.11)кайҳо ба охир расид (20.11.11) ва нисбати беш аз 17 ҳазор нафар маҳбус татбиқ гардид. Аз ин ҷумла 4676 нафар маҳкумшудагон аз адои ҷазо озод гардида, мӯҳлати адонагардидаи ҷазои 5157 нафар маҳкумшудакам гардид. Бино ба гуфти директори Агентии назоратидавлатии мубориза бо коррупсияи ҶТ Фаттоҳ Саидов, 10 маҳбусе, ки бо истифода аз асноди қалбакии тиббӣ авф шуда буданд, дубора зиндонӣ шуданд.Ба иттилои манбаъ, феълан барои таҳқиқи ин ҳодиса комиссияи босалоҳият таъсис дода шудааст. Дар асоси таҳқиқи фаъолияти кори комиссия тақаллубӣ будани ҳуҷҷатҳои даҳ нафар маҳбуси авфшуда ошкор шуда, онҳо аз нав ба ҳабс гирифта шуданд. Комиссия таҳқиқи дигар парвандаҳоро рӯи даст дорад.Дар давраи татбиқи Қонуни ҶТ «Дар бораи авф» аз тарафи мақомоти таҳқиқу тафтиш 3194 нафар ва аз ҷониби судҳо нисбат ба 1735 нафар қонуни авф татбиқ гардидааст.