Ба дави Наврӯзӣ омода бошед!
Душанбе, 2 март.(АМИТ «Ховар», Марзия Саидова).-Бо мақсади дар сатҳи баланди ташкиливу идона истиқбол намудани ҷашни байналмилалии Наврӯз 17 марти соли равон аз соати 9 то 11 дар пойтахт мусобиқаи «Дави Наврӯзӣ» ташкил карда мешавад. Дар ин бора раиси шаҳри Душанбе Маҳмадсаид Убайдуллоев қарори марбута ба имзо расонд. Ҳадаф аз баргузории ин навъи варзиш дар остонаи ҷашни фархундапайи Наврӯз ташвиқу тарғиби ҳаракати варзишӣ, рушди ин соҳа ва ҷалби ҷавонон ба варзиш аст,- мегӯяд Дилшод Қурбонов, сардори раёсати ҷавонон, варзиш ва саёҳии шаҳри Душанбе. «Дави Наврӯзӣ» аз қароргоҳи Бозрасии давлатии автомобилӣ, воқеъ дар маҳаллаи Чорбоғ оғоз гардида, дар маҳалли «Наврӯзгоҳ»-и пойтахт ба анҷом мерасад. Ҷиҳати дар сатҳи баланд баргузор намудани он нақшаи чорабиниҳои шаҳрдории Душанбе тасдиқ шуда, раисони ноҳияҳои шаҳр ва роҳбарони сохторҳои марбутаи пойтахт вазифадор гардидаанд, ки тадбирҳои зарурӣ андешанд. Ҳамзамон дар асоси банди чори қарори мазкур аз роҳбарони вазорату кумитаҳо, мақомоти давлатӣ, мактабҳои олӣ, корхонаю ташкилот хоҳиш шудааст, ки барои ташвиқу ҳидоят ва таъмини иштироки кормандон, коллективҳои меҳнатӣ ва донишҷӯён дар чорабинии варзишии «Дави Наврӯзӣ» саҳм гузоранд, зеро оммавӣ гардонидани варзиш ба солимии ҷомеа мусоидат менамояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






