Ба яғмо рафтани нуқраҳои ҳамён

Душанбе, 14 март. (АМИТ «Ховар», Назрулло Асозода).- Тавре ки аз Вазорати корҳои дохилии Тоҷикистон ба мухбири АМИТ «Ховар» иттилоъ доданд, 8 марти соли 2012 аризаи шаҳрванд Лаврусев Сергей (соли таваллудаш 1946, сокини гузаргоҳи 4-уми кӯчаи Қарабоев, соҳибкор) ворид гардидааст. 26 феврали соли 2012 шахси номаълум бо роҳи пинҳонӣ аз нуқтаи савдояш, воқеъ дар бозори назди роҳи оҳан, ҳамёнашро, ки дар дохилаш 25 адад ангуштарини нуқрагини мардона, 10 адад овезаи нуқрагин, 5 адад гарданбанди нуқрагин, 60 адад тангаи нуқрагинро, ки ҷамъан , ба маблағи умумии 6000 сомониро ташкил медиҳад, дуздида, аз ҷойи ҳодиса фирор кардааст. Ҳангоми гузаронидани чораҳои фаврию ҷустуҷӯӣ шаҳрванд Маҳмудов Умар Исмонович (соли таваллудаш 1959, сокини шаҳри Душанбе, ноҳияи Шоҳмансур, гузаргоҳи 1-уми кӯчаи Улуғбек, бекор) дастгир шудааст. Далелҳои шайъӣ гирифта шудаанд.