Баргузории ҷамъомади мудофиаи ҳудудӣ
Душанбе, 12 март. (АМИТ «Ховар», Лутфия Эшонқулова).-Дар асоои Қонуни Ҷумҳурии Тоҷикистон «Дар бораи омодагии сафарбарӣ» аз 10-ум то 12-уми марти соли равон дар ҳудуди гарнизони Душанбе ва Хатлон ҷамъомади методию таълимӣ оид ба сафарбарӣ ва мудофиаи ҳудуди ташкилӣ ба роҳ монда шуд, ки ба он раисони вилоятҳо ва шаҳру навоҳии пойтахт, ноҳияҳои тобеи ҷумҳурӣ ва вилояти Хатлон ҷалб карда шуданд.Тавре ки ба АМИТ «Ховар» аз маркази матбуоти Вазорати мудофиаи ҶТ хабар доданд, ҷамъомади методию таълимӣ доир ба сафарбарӣ ва мудофиаи ҳудудӣ дар пойгоҳи Донишкадаи ҳарбӣ ва дар дохили як ҷузъи низомии Қӯшунҳои зудамали Вазорати мудофиаи ҷумҳурӣ аз ҷониби масъулини Ситоди генералии Қувваҳои мусаллаҳ муддати се рўз ба таври назарӣ ва амалӣ ба роҳ монда шуд.Дар ҷамъомади мазкур ҳамзамон намояндагони дигар мақомоти қудратии кишвар ва комиссарони ҳарбӣ, ки сардорони ситоди мудофиаи ҳудудӣ дар вилоятҳо ва шаҳру ноҳияҳои ҷумҳурӣ маҳсуб меёбанд, ҷалб шуданд. Дар машғулиятҳои методию таълимӣ иштирокчиёни он ба мавзўъҳои омодагии сафарбарӣ, қарори дахлдор қабул намудан ҳангоми мудофиаи ҳудудӣ, истифодаи самараноки захираҳои эҳтиётӣ, аз қабили ҳайати шахсӣ, техникаи хоҷагии халқ, сафарбарии онҳо ва дигар мавзўъҳои вобаста ба ҳимояи ҳудудиро, ки дар сурати хатарҳои эҳтимолӣ ба миён меоянд, мавриди омӯзиш қарор дода, иштирокчиён дар даври ниҳоии машғулиятҳо аз рўи мавзӯъҳои муаяйншудаи ҷамъомад санҷиш супурданд.Ҳадафи ташкилу ба роҳ мондани ҷамъомади мудофиаи ҳудудӣ ба он равона гардида буд, ки иштирокчиёни он аз мавзўъҳои муайяншудаи машғулиятҳо самаранок истифода баранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






