Барномаи рушди ХМК
Душанбе, 13 март. (АМИТ «Ховар», Кристина Эрлих). – Мавзӯи конфронси ҷумҳуриявӣ, ки 13 март дар шаҳри Душанбе баргузор гардид, тарҳрезии «Барномаи рушди соҳаи манзилию коммуналии Ҷумҳурии Тоҷикистон барои солҳои 2013 – 2015» буд. Дар кори конфронс мушовири калони Президенти ҶТ оид ба сиёсати иқтисодӣ Неъматҷон Бӯриев, директори генералии Корхонаи воҳиди давлатии «ХМК» Алимурод Тағоймуродов, роҳбари намояндагии Бонки аврупоии бозсозӣ ва тавсеъа дар Тоҷикистон Улф Ҳиндстром, директори Агентии ИМА оид ба рушди байналмилалӣ Ҷефри Леҳрер, ҳамчунин намояндагони бархе вазорату идораҳои манфиатдори кишвар иштирок намуданд.Неъматҷон Бӯриев зимни суханрониаш дар ҳузури иштирокдорони конфронс гуфт, ки мақсади асосии Барномаи рушди соҳаи манзилию коммуналӣ барои солҳои 2013 – 2015 дар Тоҷикистон иборат аз беҳдошти инфрасохтори соҳа, нерӯи кадрҳо ва ҷиҳатҳои хизматрасонии коммуналӣ мебошад. Ба иштирокдорони конфронс мавзӯи «Дар бораи тарҳрезии Барномаи рушди соҳаи манзилию коммуналӣ барои солҳои 2013 – 2015 муаррифӣ карда шуд, ки дар ҷараёни он директори генералии Корхонаи воҳиди давлатии «ХМК» Алимурод Тағоймуродов аз мақсаду вазифаҳои барнома ва натиҷаҳои дилхоҳ нақл кард.Аз рӯи натиҷаи конфронс қатъномаи дахлдор қабул шуд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






