Беҳтарин шаҳри Суғд кадом аст?

Душанбе, 12 март. (АМИТ «Ховар», Покиза Маҳмадбекова). — Қарори Раиси вилояти Суғд дар бараи баргузор намудани озмуни «Шаҳри (ноҳияи) беҳтарин» дар давоми моҳҳои март- октябри соли равон дар вилоят бахшида ба 20 солагии Иҷлосияи XVI-уми Шӯрои Олии Ҷумҳурии Тоҷикистон аз 6 марти соли 2012 ба тасвиб расид. Тибқи қарори мазкур ҳайати ҳакамон ва низомномаи озмун тасдиқ шуда, ҳайат вазифадор шуд, ки барои дар сатҳи баланд доир сохтани ин тадбир, ҷалби корхонаву ташкилот ва шаҳрвандон ба корҳои ободонӣ, кабудизоркунӣ, таъмиру тармими манзилу хиёбон ва роҳҳо тадбирҳои амалӣ андешанд. Ба АМИТ «Ховар» аз хадамоти матбуоти раиси вилояти Суғд иттилоъ доданд, ки барои ғолибони ҷои якум 30 ҳазор сомонӣ, барои ҷои дуввум 20 ҳазор сомонӣ ва барои ҷои сеюм 10 ҳазор сомонӣ мукофотпулӣ муқаррар карда шуд. Аз рӯи иттилои манбаъ, ҷамъбасти озмун дар арафаи 20- солагии Иҷлосияи XVI-уми Шӯрои Олии Шӯрои Ҷумҳурии Тоҷикистон сурат мегирад.