Беш аз 600 грамм героин мусодира шуд

Душанбе, 5 март. (АМИТ «Ховар», Лутфия Эшонқулова). – Кормандони Хадамоти гумрук дар фурудгоҳи байналмилалии Душанбе мусофири хатсайри рақами 627 Душанбе — Маскав, шаҳрванди 30 — солаи ҶТ — ро ба муомилоти ғайриқонунии маводи нашъаовар шумон бурда, дастгир карданд. Тавре дар маркази матбуоти Хадамоти гумруки назди Ҳукумати ҶТ ба АМИТ «Ховар» хабар доданд, ҳангоми тафтишоти гумрукӣ аз либоси ин шахси гумонбурда 661,5 грамм маводи нашъаовар дарёфт шуд. Аз рӯи ин ҳодиса парвандаи ҷиноӣ кушода ва он барои баррасии минбаъда ба Прокуратураи нақлиётӣ фиристода шудааст.