Бист соли муносибатҳои дипломатӣ

Душанбе, 13 март. (АМИТ «Ховар», Лаззат Диловарзод),- Моҳи июни соли ҷорӣ ба барқароршавии муносибатҳои дипломатӣ миёни Ҷумҳурии Тоҷикистон ва Ҷумҳурии Исломии Покистон 20 сол пур мешавад.Ёдовар мешавем, ки дар вохӯрии сафири фавқулодда ва мухтори Ҷумҳурии Тоҷикистон бо вазири корҳои хориҷии Ҷумҳурии Исломии Покистон Ҳина Раббонӣ Кҳар масъалаҳои муносибатҳои дуҷонибаи Тоҷикистону Покистон мавриди баррасӣ қарор гирифтанд. Ҳарду ҷониб зарурати ба имзо расидани шартномаи транзитии сеҷониба миёни Тоҷикистон, Покистон ва Афғонистон, ташкили хати парвози мустақим байни Тоҷикистону Покистон ва ифтитоҳи бахши Бонки миллии Покистон дар шаҳри Душанбе ва иштироки як ҳайати баландпояи покистонӣ дар кори Конфронси RECCA-V ва дигар ҷанбаҳои ҳамкориро муҳокима намуданд.