Боғчаи бачагона дар Амондара
Душанбе, 19 март. (АМИТ «Ховар» Покиза Махмадбекова). — Дар шаҳру деҳоти Панҷакент 17 муассисаи томактабӣ фаъолият дорад, ки 12-тои он тобеи шӯъбаи маорифи шаҳр мебошад. Муассисаҳои томактабии шаҳру деҳот зиёда аз 2746 нафар кӯдакро фаро гирифтааст. Ба мухбири АМИТ «Ховар» аз Хадамоти матбуоти вилояти Суғд иттилоъ доданд, ки бо мақсади фарогирии бештари кӯдакон ба таҳсилоти томактабӣ, омодагии кӯдакон ба мактаб, пайдо намудани завқи баланд, дунёи рангин ва ахлоқи намунавӣ аз ҷониби сокини деҳаи Амондара Аваз Сафаров дар бинои собиқ идораи хоҷагии деҳқонии ба номи Фирдавсӣ муассисаи томактабӣ бунёд мегардад. Ба иттилои манбаъ, дар таъмиру тармими бинои ин муассиса дар ҳудуди ҷамоати деҳот то имрӯз ба маблағи зиёда аз 55 ҳазор сомонӣ корҳои сохтмонӣ ба иҷро расидааст. Бояд гуфт, ки ҷамоати деҳоти Амондара дорои 13700 нафар аҳолист ва дар ҳудуди он муассисаи томактабӣ вуҷуд надорад. Дар ҳудуди ҷамоати деҳот дар айни ҳол кӯдакони то 6 сола 2511 нафарро ташкил медиҳанд. Дар назар аст, ки боғчаи кӯдакон «Таманно» номгузорӣ шуда, то 1 майи соли ҷорӣ ба истифода дода мешавад ва дар навбати аввал 60 нафар кӯдакро фаро хоҳад гирифт.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
