Бохти Ӯзбекистон аз Уммон

Душанбе, 30 март. ( АМИТ «Ховар», Аловиддин Бӯриев).- Дастаи мунтахаби олимпии Ӯзбекистон дар дидори охирини худ дар қораи Осиё барои ноил шудан ба роҳхат ба бозиҳои олимпии Лондон 2012 бенасиб монд. Ин дастаро тими мунтахаби олимпии Уммон бо натиҷаи 2 бар 0 шикаст дода бо 4 имтиёз ба бозӣ бо намояндаи қитъаи Африқо- дастаи Сенегал суъуд кард. Вохӯрӣ рӯзи 23 апрел баргузор мегардад. Ёдрас мешавем, ки шарафи қораи Осиёро дар Бозиҳои олимпии Лондон дастаҳои Куриёи Ҷанубӣ, Амороти Муттахидаи Араб ва Ҷопон ҳимоя мекунанд. Дар сурати ғалаба бар Сенегал шумораи намояндагони Осиё зиёд хоҳад шуд.