Боздиди ҲХДТ аз ДСРТ
Душанбе, 7 март. (АМИТ «Ховар», Людмила Дубинина). – Ба ифтихори идҳои пешорӯ — Рӯзи байналмилалии 8 март ва Наврӯз дар Донишгоҳи славянии Русия ва Тоҷикистон мулоқоти профессорону омӯзгорон бо намояндагони Ҳизби халқии демократии Тоҷикистон баргузор гардид. Маҷлисро муовини ректор оид ба корҳои илмии ДСРТ Хусрав Шанбезода ифтитоҳ намуд. Мудири шӯъбаи ташкилии ҲХДТ Расул Расулов, мудири шӯъбаи байналмилалӣ Мӯсо Асозода, намояндаи Кумитаи иҷроияи ноҳияи Сомонии шаҳри Душанбе Умринисо Қазоқова зимни суханрониашон мақоми занони Тоҷикистонро дар рушди фарҳанг ва тамаддуни ҷомеаи имрӯза зикр карданд. Дар чаҳорчӯбаи ин чорабинӣ ба муаллимону донишҷӯёне, ки ба сафҳои ҲХДТ дохил шуданд, билетҳои узвият супурда шуданд.