Боздиди Шабистарӣ аз бузургтарин махзани илм

Март 28, 2012 17:19

Душанбе, 28 март.(АМИТ «Ховар», Марзия Саидова).- «Китобхонаи миллии Тоҷикистон боҳашамат буда ва аз ҷиҳати тарзи коргузорию хизматрасонӣ ганҷинаи бузургу беназирест барои форсизабонҳо». Ин нуктаро Алиасғар Муҷтаҳиди Шабистарӣ, раиси Анҷумани дӯстии Эрону Тоҷикистон дар маросими эҳдои адабиёти гуногун ба Китобхонаи миллии Тоҷикистон 28 март зикр намуд.  Шабистарӣ, ки нахустин сафири Эрон дар Тоҷикистон буд, доир ба равобити илмию фарҳангии ду кишвари ҳамзабон табодули назар намуда, дастовардҳои илмию фарҳангӣ ва пешрафтҳои иқтисодии Тоҷикистонро дар зарфи 20 соли охир комёбиҳои бузург арзёбӣ кард. Дар мулоқоти Шабистарӣ бо директори Китобхонаи миллии Тоҷикистон Носирҷон Салимзода ва кормандони он масъалаи тавсеаи равобити илмию фарҳангии Тоҷикистону Эрон баррасӣ гарид. Зикр шуд, ки китоб меҳвари тамаддуни башарист ва дар оянда дар доираи ҳамкориҳои илмию фарҳангии Тоҷикистону Эрон миёни Китобхонаи миллии Тоҷикистон ва Китобхонаи миллии Эрон робитаҳо устувортар гардида, бобати табодули таҷрибаи кормандони Китобхонаи миллии Тоҷикистон, хусусан омӯзиши таҷрибаи китобдорӣ дар Эрон тадбирҳо андешида мешаванд. 200 адад китоб, ки аз ҷониби Анҷумани дӯстию фарҳангии Эрону Тоҷикистон ба Китобхонаи миллии Тоҷикистон тақдим гардид, асарҳои илмию бадеӣ ва таърихианд. Дар маҷмӯъ Анҷумани мазкур дар рӯзҳои наздик беш аз 20 ҳазор китоби гуногунро ба махзани илму маърифат –Китобхонаи миллии Тоҷикистон тақдим менамояд.

Март 28, 2012 17:19

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд