Бунёди боғҳо вусъат меёбад

Фархор, 13 март. (АМИТ «Ховар», Сулаймон Холов). –Истифодаи оқилонаи замин ва сари вақт гузаронидани қоидаҳои агротехникӣ имкон фароҳам овард, ки хоҷагидорон кишти маҳсулоти гуногунро аз ҳисоби заминҳои боғҳои навбунёд дуруст роҳандозӣ намуда, сатҳи некӯаҳволии саҳмдоронро беҳтар гардонанд. Аҳли хоҷагии деҳқонии «Абдукарим»-и ноҳияи Фархор дар 2 гектар боғи меваҳои содиротӣ бунёд намуда, дар заминҳои дигари хоҷагӣ ба зироаткориву пахтакорӣ машғул мебошанд. Дар айни замон саҳмдорони хоҷагӣ бо кори тоза ва нарм намудани дарахтони боғи хоҷагӣ машғуланд. Соли ҷорӣ кишоварзони хоҷагӣ бо боғпарварони вилояти Суғд шартномаи ҳамкорӣ баста, ниҳолҳои мевадиҳандаи ба иқлими ноҳия мувофиқро аз он ҷо дастрас намуданд.