Бунёди боғи сакура дар Душанбе
Душанбе, 24 март. (АМИТ «Ховар», Пайрав Назаров).- Ба муносибати 20-солагии барқарор шудани муносибатҳои дипломатии Тоҷикистону Япония ва дар арафаи иди байналмилалии Наврӯз дар шаҳри Душанбе бунёди боғи сакура дар назар аст. Аз ин лиҳоз, Сафорати Ҷумҳурии Тоҷикистон дар Япония 250 адад ниҳоли 2-метраи сакураро, ки 4 намудро дар бар мегирад, ба Тоҷикистон равона кард. Боиси зикр аст, ки ин гули машҳури миллии японӣ буда, ҳар баҳор вақти шукуфтани он мардуми Япония ба тамошои сакура (ҳанамӣ) мебароянд. Ҳанамӣ – анъанаи японии муҳаббат ба гул аст. Рӯзи шукуфтани сакура ҳамчун рӯзи аввали баҳор ҷашн гирифта мешавад. Гули сакура ранги сафед ё гулобӣ дорад. Сакура рамзи зебоии табиат буда, ифодагари ҷавонӣ ва зебогии зан мебошад. Нақши гули сакура дар рӯи тангаи 100 йенаи Япония тасвир ёфтааст. Ҳамзамон, Сафорати Ҷумҳурии Тоҷикистон дар Япония 3 навъи дарахти зардолуро аз Тоҷикистон ба Япония ворид намудааст. Дарахтҳои зардолу дар яке аз префектураҳои Япония шинонида шудаанд. Ҳамчунин байни префектураи Япония ва Қурғонтеппа барпо намудани муносибатҳои фарҳангию иқтисодӣ дар назар аст.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
