Чорабиниҳои наврӯзии ҲХДТ идома доранд
Душанбе, 28 март. (АМИТ «Ховар», Дилшодаи Хайруллоҳ).- Дар доираи таҷлили ҷашни Наврӯзи байналмилалӣ аз ҷониби ниҳодҳои давлативу ҷамъиятӣ чорабиниҳои мухталиф роҳандозӣ гардиданд. Чунончи аъзои Ҳизби халқии демократии Тоҷикистон ва ташкилотҳои минтақавии он низ дар баргузории ин чорабиниҳо саҳми арзанда гузоштанд. Имрӯз занони фаъоли ҳизбӣ ҷиҳати татбиқи дастуру супоришҳои роҳбарияти ҳизб бо иқдоми шӯъбаи кор бо ҷавонон ва занони дастгоҳи марказии ҲХДТ тарбиятгирандагони Муассисаи давлатии «Маркази миллии тавонбахшӣ барои кӯдакон ва наврасони Чорбоғ»-и ноҳияи Варзобро аёдат карданд. Мудири шӯъба Адҳам Мирсаидов, мудири бахши кор бо занон Мавлуда Оймаҳмадова, аъзои раёсати ҳизбӣ Меҳринисо Бобобекова ва Садафмоҳ Абдуллоева, фаъолзанони ҳизбӣ Истамой Мадалиева ва Донагул Холова аз шароити зисти кӯдакон, ки маъюбони модарзодӣ мебошанд, хабар гирифта ва барояшон либос, маводи хӯрокӣ ва шириниҳои баҳорӣ тақдим намуданд.