Дастгоҳи ташхиси томографӣ дар Бадахшон
Хоруғ, 12 март. (АМИТ «Ховар», Л.Додо). – Солҳои охир ба беморхонаҳои Вилояти Мухтори Кӯҳистони Бадахшон навтарин дастгоҳҳои ташхисӣ ворид гардиданд. Тавре муовини раиси Раёсати тандурустии вилоят Нуралӣ Додалиев иттилоъ дод, имрӯз қариб аксари беморхонаҳои марказҳои ноҳиявию музофотӣ бо рентген, дастгоҳи УЗИ ва дигар дастгоҳҳои ташхиси узвҳои дохилии инсон таъминанд.Чанде пеш дастгоҳи ташхиси томографӣ, ки навтарин ихтирооти соҳаи тибб аст, вориди вилоят гардид. Ин дастгоҳ қудрат дорад. ки ҳамаи узвҳои инсонро ташхис намуда ва дардро аниқ муайян кунад. Ҳоло чунин дастгоҳ дар беморхонаи марказии вилоятии шаҳри Хоруғ васл карда мешавад. Васли чунин дастгоҳҳо дар беморхонаҳои ноҳияҳо низ дар назар аст.