Даъват ба ҳашари умумишаҳрӣ

Душанбе, 9 март.(АМИТ «Ховар», Марзия Саидова).-Масъалаи омодагии пойтахт ба ҷашни байналмилалии Наврӯз дар ҷаласаи шаҳрдории Душанбе дар ҳузури Маҳмадсаид Убайдуллоев, раиси шаҳри Душанбе баррасӣ гардид. Зикр шуд, ки бобати тозагию ободонии пойтахт то ҷашни Наврӯз рӯзҳои шанбею якшанбе дар тамоми кӯчаю маҳаллаҳо, ташкилоту идораҳое, ки дар ҳудуи пойтахт қарор доранд, дар сатҳи густурда ҳашари умумишаҳрӣ гузаронида шуда, ба он донишҷӯёну хонандагони мактабҳои таҳсилоти умумӣ низ ҷалб мешаванд. Тибқи иттилои Шавкат Саидов, котиби матбуоти раиси шаҳри Душанбе дар ҷаласа ҳамчунин масъалаи таъмири роҳҳои пойтахт баррасӣ шуд. Зикр гардид, ки барои ҳалли масъаали мазкур бояд аз буҷаи пойтахт маблағ ҷудо карда шуда, соҳибкорон низ дар ин кор ҷалб гарданд.