Дурнамои Хадамоти муҳоҷирати ҶТ

Душанбе, 13 март. (АМИТ «Ховар», Лутфия Эшонқулова). – Сардори Хадамоти муҳоҷирати назди Ҳукумати ҶТ Сафиалло Девонаев бо сафири Ҷумҳурии Қазоқистон дар Тоҷикистон Оғибой Смагулов масъалаҳои ҳамкории дуҷониба дар бахши муҳоҷирати меҳнатиро муҳокима намуд.Тавре дар Муҳоҷирати меҳнатӣ ба АМИТ «Ховар» хабар доданд, ҷонибҳо дар ҷараёни мулоқот масъалаҳои дар Қазоқистон кушодани Намояндагии Хадамоти муҳоҷирати Тоҷикистон ва бархе проблемаҳои марбут ба бақайдгирии шаҳрвандони ҶТ, ташкили комиссияи кории оид ба созишномаҳои қаблан имзошуда дар бахши муҳоҷирати меҳнатӣ, таълиму тарбияи кадрҳо аз ҷумлаи шаҳрвандони ҶТ дар омӯзишгоҳҳои касбҳои техникии Қазоқистонро муфассал муҳокима намуданд.Ҷонибҳо изҳор доштанд, ки омодаанд ба таҳкиму рушди минбаъдаи муносибатҳои байни ҳар ду кишвар дар ин бахш мадад расонанд.