Гуфтугӯи телефонӣ бо Владимир Путин

Душанбе, 5 март. (АМИТ «Ховар»). – Дар нимаи аввали имрӯз гуфтугӯӣ телефонии байни Президенти Ҷумҳурии Тоҷикистон Эмомалӣ Раҳмон ва Президенти интихобшудаи Федератсияи Русия Владимир Путин сурат гирифт. Сарвари давлати Тоҷикистон В.В.Путинро бо ғалабаи комилаш дар интихоботи Президенти Федератсияи Русия, ки 4 марти соли 2012 баргузор гардид, аз самими қалб муборакбод намуд. Президенти Ҷумҳурии Тоҷикистон ба В.В.Путин дар мансаби нав комёбию муваффақиятҳои нав орзӯ намуда, изҳори умедворӣ кард, ки ҳамкории самарабахши байни Русия ва Тоҷикистон ба нафъи мамлакату халқҳоямон густариш меёбад ва мустаҳкам мегардад.Дар ин бора аз Хадамоти матбуоти Президенти Ҷумҳурии Тоҷикистон ба АМИТ «Ховар» хабар доданд.