Хайрия ба ифтихори Наврӯз

Душанбе, 6 март. (АМИТ «Ховар», Людмила Дубинина). – Дар чаҳорчӯбаи фаъолияти Намояндагии Бунёди русиягии рушди «Пажӯҳишгоҳи таҳқиқи АвруОсиё» дар ҶТ ва бо мадади Вазорати адлияи ҶТ 6 март ба ифтихори Рӯзи байналмилалии Наврӯз дар хона – интернати беморони рӯҳии ноҳияи Ҳисор маросими хайрот баргузор шуд. Ба беморони интернат маводи ғизоӣ, ширинӣ ва пойафзол тақдим гардид. Директори хона — интернат Раҳматулло Носиров ба намояндагони ташкилотҳое, ки хайрот кардаанд, аз самими қалб изҳори миннатдорӣ намуд. Тавре директори Намояндагӣ Галина Назарова зикр намуд, чунин маросимҳои хайроти Намояндагии Бунёди «Пажӯҳишгоҳи таҳқиқи АвруОсиё» дар ҶТ ва Вазорати адлияи ҶТ дар оянда ҳам идома меёбанд.