Хидматрасонии пулакӣ боло рафт
Душанбе, 28 март. (АМИТ «Ховар», Лаззат Диловарзод).- Дар ду моҳи аввали соли ҷорӣ нархи хизматрасонии коммуналӣ ва маишӣ аз 15 то 20 фоиз баланд бардошта шуд. Ҳатто дар баъзе сартарошхонаю хонаҳои таъмири пойафзол нарх ба тариқи бесобиқа боло рафтааст. Ба гуфти Ҳасан Хошоков, ки худ як вақтҳо муҳандиси корхонаи пойафзоли шаҳри Душанбе буд, дар давоми моҳҳҳои январ – феврали соли ҷорӣ нархи таъмири пойафзол аз 80 то 110 фоиз ва хизматрасонии сартарошхонаҳо аз 45 то 55 фоиз боло рафтааст. Ин дар мавридест, ки нархи барқ аз 1-уми апрел ба андозаи 2 дирам зиёд мегардад ва хоҳу нохоҳ он боз ба кори корхонаҳои хидматрасонӣ бетаъсир нахоҳад монд.Тибқи маълумоти Агентии омори назди Президенти ҷумҳурӣ, ҳаҷми хидматрасонии пулакии аҳолӣ дар моҳҳои январ – феврали соли 2012 беш аз 1 млрд. 200 млн. сомониро ташкил додааст, ки ин нисбат ба ҳамин давраи соли 2011 ба андозаи 14,5 фоиз зиёд аст. Корхонаю ташкилотҳои сабтиномшудаи хидматрасонии пулакӣ ба маблағи 496 млн. 300 ҳазор сомонӣ ба аҳолӣ хидмат расонидаанд.Ба қавли дигар, мусобиқаи боло бурдани нарх дар ҳамаи корхонаю ташкилотҳои хидматрасонии пулакии аҳолӣ идома дорад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
