Идомаи бозиҳои интихобии олимпӣ дар Осиё

Душанбе, 15 март. ( АМИТ «Ховар», Аловиддин Бӯриев).- Дар дидорҳои даври охирини бозиҳои интихобии олимпӣ доир ба футбол дар қитъаи Осиё дирӯз дар гурӯҳи “А” вохӯриҳои тими мунтахаби Арабистони Саудӣ бо Уммон 1 бар 1 ва Куриё бо Қатар 0 бар 0 ба анҷом расониданд. Дастаи Куриё мустақиман ба бозиҳои олимпии Лондон роххат гирифт. Аз гурӯҳи “Б” футболбозони Ӯзбакистон дар майдони худ аз дастаи Амороти Муттаҳидаи Араб бо натиҷаи 2 бар 3 шикаст хӯрда, ба ишғоли зинаи дуввум қаноат ҳосил карданд. Вохӯрии дастаҳои Австралия ва Ироқ бо ҳисоби 0 бар 0 мусовӣ ҷамъбаст шуд. Амороти Мутаҳиддаи Араб роҳхатро дар ин гурӯҳ ба бозиҳои олимпӣ соҳиб шуд. Дар гурӯҳи “С” Сурия бар Малайзия бо ҳисоби 3 бар 0 ва Ҷопон бар Баҳрайн 2 бар 0 пирӯзӣ ба даст оварданд. Ҷопон аз ин гурӯҳ ба бозихои олимпӣ меравад. Дастаҳои мунтахаби Уммон, Ӯзбакистон ва Сурия дар марҳилаи Play of рӯзҳои 25, 27 ва 29-уми март дар варзишгоҳи Май Динҳ Стедиум(MY Dinh Stadium)-и Малайзия барои як роҳхати дигар бо ҳам рақобат менамоянд.