Ифтитоҳи Бонки фаръии Бонки Миллии Покистон дар Тоҷикистон

Март 24, 2012 17:55

Душанбе, 24 март. (АМИТ «Ховар»).- Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Исломии Покистон Осиф Алӣ Зардорӣ, ки низ барои иштирок дар ҷашни байналмилалии Наврӯз ва Конфронси байналмилалии ҳамкории минтақавии иқтисодӣ доир ба Афғонистон (RECCA) ба шаҳри Душанбе ташриф овард, нахуст Бонки фаръии Бонки Миллии Покистон дар Тоҷикистонро ифтитоҳ намуданд.  Сарони ду давлат Эмомалӣ Раҳмон ва Осиф Алӣ Зардорӣ бо буридани лентаи рамзӣ Бонки фаръии Бонки Миллии Покистон дар Тоҷикистонро, ки дар кӯчаи Айни пойтахт қарор дорад, ифтитоҳ намуда, изҳори боварӣ карданд, ки он ба густариши ҳамкории иқтисодию тиҷоратӣ ва сармоягузории миёни ду кишвар мусоидати фаъол мекунад. Зикр гардид, ки Бонки фаръии Бонки Миллии Покистон аз бузургтарин ва бонуфузтарин бонкҳои тиҷоратии ин кишвар аст ва он метавонад пули муътамаде бошад барои таъмини робитаҳои ногусастании миёни сохторҳои давлатӣ ва соҳибкорону тоҷирони Тоҷикистону Покистон. Тавре иттилоъ дода шуд, сармояи оинномавии эълоншудаи Бонки мазкур дар Тоҷикистон 50 миллион сомонӣ буда, ин маблағ барои рушди соҳибкории хусусӣ, маблағгузории савдо, беҳбудии шуғли аҳолӣ ва ҷорӣ намудани шаклҳои нави муосири хизматрасонии бонкӣ равона карда мешавад.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.

Март 24, 2012 17:55

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд