Ифтитоҳи хати нави парвоз

Март 30, 2012 16:35

Душанбе, 30 март. (АМИТ «Ховар», Мавзуна Бойева).-Ширкати ҳавопаймоии «Сомон Эйр» хати парвози навбатиро ба самти Душанбе-Киев-Душанбе ба роҳ мемонад. Парвози нахустин бо самти нав 4 апрел амалӣ хоҳад шуд. Парвозҳо ҳафтае як маротиба рӯзи чоршанбе иҷро мешаванд. Вақти парвоз аз Фурудгоҳи байналмилалии Душанбе соати 04:00 ва бозгашт аз Киев ба Душанбе соати 19:00 ба вақти маҳаллӣ сурат мегирад. Нишаст дар фурудгоҳи Душанбе соати 01:00 аст. Арзиши чипта барои дараҷаи камхарҷ ба як тараф 220 евроро ташкил медиҳад, рафту омад -440 евро. Арзиши чиптаи дараҷаи тиҷоратӣ 530 евро ва рафту омад 1060 евро мебошад. Парвозҳо тавассути ҳавопаймоҳои бароҳати Боинг амалӣ хоҳанд гашт. Ифтитоҳи хати нави парвоз ба ширкати ҳавопаймоӣ имконият медиҳад, ки масофаи парвози мусофиронро ба дигар самтҳо кӯтоҳтар намояд. Ширкати ҳавопаймоии «Сомон Эйр» дар ҷараёни омодагӣ ба ифтитоҳи самти нав бо ширкатҳои ҳавопаймоии машҳури украинӣ «Аэросвит» ва «МАУ» созишномаи «интерлайн»-ро ба имзо расонд. Тибқи ин созишнома ширкати ҳавопаймоии «Сомон Эйр» ва интиқолдиҳандагони украинӣ метавонанд ба мусофирон барои тамоми самтҳое, ки парвозро амалӣ мекунанд, чипта пешниҳод намоянд. Иқдоми мазкур барои мусофирон расмиёти ба даст овардани чиптаро ба самтҳои дур хеле осон хоҳад кард. Мусофироне, ки аз Душанбе парвоз мекунанд, метавонанд на танҳо то Киев, балки тавассути хати васли парвоз ба тамоми самтҳое, ки ширкатҳои ҳавопаймоии «Аэросвит» ва «МАУ» парвозҳоро иҷро мекунанд, аз ҷумла шаҳрҳои Ню-Йорк, Амстердам, Тел-Авив, Берлин, Тбилиси, Брюссел, Мадрид, Лондон, Хелсинки, Лиссабон, Варшава, Сидней, Бухарест, Париж, Стокголм, Ницца ва Вена чиптаҳоро дастрас намоянд.

Март 30, 2012 16:35

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд