Имзои Созишнома байни ду кишвари ҳамҷавор
Душанбе, 13 март.(АМИТ «Ховар», Марзия Саидова).-Ҷамъияти Ҳилоли Аҳмари Тоҷикистон ва Ҷамъияти Салиби сурхи Чин дар Пекин Созишномаи ҳамкориҳои дӯстонаро ба имзо расониданд. Санади мазкурро аз ҷониби Тоҷикистон Зафар Муҳаббатов, дабири кулли Ҷамъияти Ҳилоли Аҳмари Тоҷикистон ва аз ҷониби Чин хонум Ҳао Лина, муовини президенти Ҷамъияти Салиби Сурхи Чин имзо гузоштанд. Ҳадафи созишнома таҳким ва тақвияти ҳамкориҳо миёни Ҷамъияти Ҳилоли Аҳмари Тоҷикистон ва Ҷамъияти Салиби Сурхи Чин аст. Ҳар ду ҷониб ба тавофуқ расиданд, ки ҳамкориҳои худро дар самтҳои табодули иттилоот ва мусоидат ба ҳамдигар, таҷриба ва таҳкими тамосҳо, рушди иқтидор ва тавоноӣ, ироаи таҷҳизот ва маводи башардӯстона ва омӯзиши имкони роҳандозии барномаҳои муштарак густариш диҳанд. Зафар Муҳаббатов, дабири кулли Ҷамъияти Ҳилоли Аҳмари Тоҷикистон, мегӯяд: «созишномаи мазкур қадами нахустин дар ҳамкориҳо миёни ду ҷамъият мебошад». Созишномаи мазкур дар чаҳорчӯбаи сафари ҳайати Тоҷикистон ба Ҷумҳурии Мардумии Чин имзо шудааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
