Иштироки десантчиёни ҷавон дар мусобиқаи дзюдо

Душанбе, 3 март. (АМИТ «Ховар», Дилшодаи Хайруллоҳ).- Варзишгарони клуби «Десантчиёни ҷавон» — и Созмони мудофиавии кишвар 25 – 26 – феврали соли равон дар мусобиқаи гӯштини дзюдо, ки дар мактаб – интернати ҷумҳуриявии миёнаи махсуси санъати ба номи Миратулло Атоев баргузор шуд, ширкат намуданд. Дар чорабинӣ 12 даста иштирок дошт. Дастаи «Десантчиёни ҷавон», ки аз 11 нафар иборат буд, малакаи волои варзишӣ нишон дода, 7 тани онҳо ба мақоми ифтихорӣ ноил гардиданд. Аз ҷумла, Амирхони Ҷумъамурод ва Фаридуни Қисмат соҳиби медали тилло, Фирӯз Ҳусейнов, Парвиз Сайфуллоев ва Амрохон Шарифов соҳиби медали нуқра ва Фирӯзи Акобиру Алиакбар Назаров соҳиби медали биринҷӣ шуданд.Мусобиқа ба шарафи 19 – солагии таъсиси Қувваҳои Мусаллаҳи ҷумҳурӣ баргузор шуд.