Ислоҳот дар низоми милитсия

Душанбе, 30 март. (АМИТ «Ховар», Лутфия Эшонқулова). – 28 март Вазири корҳои дохилии Тоҷикистон Рамазон Раҳимов ва Муншии умумии Созмони амнияту ҳамкорӣ дар Аврупо Ламберто Занниер дар шаҳри Душанбе масъалаҳои ислоҳоти низоми милитсияи Тоҷикистонро мавриди муҳокима қарор доданд. Мувофиқи хабари маркази матбуоти ВКД – и ҷумҳурӣ, мақсад аз гузаронидани ислоҳот ва тағйири сохтори нави милитсияи Тоҷикистон пеш аз ҳама таъмини амнияти шаҳрвандони кишвар аст.Дар ҷараёни мулоқот ҳамчунин ба масъалаҳои ҳамкории муштарак ба манзури таъмини амнияти минтақа, аз ҷумла амнияти Афғонистон таваҷҷӯҳи хоса дода шуд.