Ислом мухолифи Наврӯз нест

Душанбе, 29 март. (АМИТ «Ховар», Саидэҳсони Солеҳ)- Имрӯз дар маҷлисгоҳи маркази тадқиқоти стратегии назди Президенти ҶТ конфронси ҷумҳуриявии илмию назарӣ дар мавзӯи «Ҷойгоҳи Наврӯз дар сарчашмаҳои тоисломӣ ва исломӣ» баргузор гардид. Ширкаткунандагони конфронс дар мавзӯъҳои «Давлати дунявӣ ва абъоди динии масъалаи эҳёи арзишҳои фарҳангии Наврӯз», «Баъзе маълумот доир ба Наврӯз дар манобеъи араб», «Таҷлили Наврӯз дар Тоҷикистон, Афғонистон ва Эрон», «Ҷамшед- бунёдгузори Наврӯз», «Наврӯз дар сарчашмаҳои тоисломӣ», «»Мақоми Наврӯз дар такмили худшиносии миллӣ», «Қуръон ва суннат-бозтоби таърихӣ ва амалии фарҳанги Наврӯз» ва чандин мавзӯи дигарро баррасӣ карданд. Бояд гуфт, ки бештари маърӯзачиён зид набудани исломро ба ин иди аҷдодии мардуми форсу тоҷик таъкид карданд.