Кӯмаки навбатӣ ба Хонаи кӯдакон
Душанбе, 16 март. (АМИТ «Ховар», Дилшодаи Хайруллоҳ).- Дар арафаи иди байналмилалии Наврӯз Вазорати энергетика ва саноати Ҷумҳурии Тоҷикистон ба тарбиятгирандагони Хонаи кӯдакони деҳаи Танобчии ноҳияи Темурмалик ба маблағи понздаҳ ҳазору чорсаду чилу панҷ сомонӣ маводи ғизоӣ, либосу пойафзол ва молҳои ниёзи аввалия, маводи доруворӣ, бастаи рахти хоб кӯмак расонид. Ин иқдом дар доираи Амри Президенти Ҷумҳурии Тоҷикистон аз 12 марти соли 2008 доир ба расонидани кӯмаки доимии моддию молиявӣ ба маъюбону пиронсолон, иштирокчиёни Ҷанги Бузурги Ватанӣ, оилаҳои камбизоат, хона-интернатҳо ва муассисаҳои иҷтимоӣ охирин набуда, мунтазам амалӣ мегардад. Муассиса 121 нафар тарбиятгирандаро фаро гирифта, соли гузашта тӯйи суннатии 40 нафари онҳоро баргузор намуд ба онҳо тӯҳфаҳо супорид.