Конфронси илмию амалӣ дар Суғд

Суғд, 17 март. (АМИТ «Ховар», М.Амонов). – Дар Донишкадаи политехникии дар вилояти Суғд будаи Донишгоҳи техникии Тоҷикистон ба номи академик Муҳаммад Осимӣ конфронси байналмилалии илмию амалии «Муаммоҳои пешрафти устувори истеҳсоли маҳсулоти хӯрокӣ дар Осиёи Марказӣ» баргузор гардид.Мақсади конфронс аз муттаҳидкунии ҳайати профессорону устодони мактабҳои олӣ, кормандони илмӣ, муҳандисони корхонаҳо, ки дар соҳаҳои мухталифи иқтисодӣ фаъолият мебаранд, иборат буд.Ин аввалин конфронси байналхалқист, ки донишкада барои ҳавасмандкунии мубодилаи техникӣ дар соҳаи пешрафти устувори истеҳсоли маҳсулоти хӯрокӣ доир намуд.