Лигаи чемпионҳои Аврупо: пирӯзии “Челси” ва “Реал”

Душанбе, 28 март. ( АМИТ «Ховар», Аловиддин Бӯриев).- Дар дидорҳои ¼ ниҳоии Ҷоми чемпионхои Аврупо шоми дирӯз дастаи “Челси” дар мизбонӣ бар “Бенфика” бо натиҷаи 1 бар 0 ғалаба ба даст овард. Голи ягона дар дақиқаи 75-уми вохӯрӣ аз ҷониби Саломон Калу ба ҳадаф расид. Дар рақобати дуввум футболбозони “Реал” –и Мадрид соҳибони майдон АПОЭЛ-и Кипрро бо ҳисоби 3 бар 0 паси сар гузоштанд. Тӯбҳоро Карим Бензема (дар дақиқаҳои 74 ва 90) ва Кака (дар дақиқаи 82 –ум) вориди дарвоза намуданд. Бозии ҷавобӣ рӯзи 4 апрел барпо хоҳад шуд.