Лондон 2012: боз як имкон барои футболбозони Осиё

Душанбе, 28 март. ( АМИТ «Ховар», Аловиддин Бӯриев).- Дар силсилаи бозиҳои марҳилаи “play off” дар қораи Осиё дирӯз дастаи мунтахаби Ӯзбекистон дар дидори нахустини худ олимпичиёни кишвари Сурияро бо натиҷаи 2 бар 1 мағлуб карда, барои ба Бозиҳои олимпии Лондон роҳхат гирифтан боз як имтиёзи хуб ба даст овард. Аз ин пештар футболбозони Сурия бо ҳамтои худ аз мамлакати Уммон бозӣ карда, онро бо натиҷаи 1 бар 1 мусовӣ ҷамъбаст карданд. Пагоҳ ғолиби ин марҳила дар мусобиқаҳои дастаҳои олимпии Ӯзбекистон ва Уммон муайян мешавад. Ёдрас мешавем, ки ғолиби қораи Осиё барои ба Бозиҳои олимпӣ роҳхат гирифтан бо дастаи мунтахаби олимпии Синегал рӯзи 23 апрел қувва хоҳад озмуд.