М. Аҳмадинажод дари «Хонаи Эрон»-ро боз мекунад
Душанбе, 23 март.(АМИТ «Ховар», Марзия Саидова).- Ҷиҳати иштирок дар ҷашни ҷаҳонии Наврӯз, ки дар пойтахти Тоҷикистон –шаҳри Душанбе 25 март таҷлил мегардад, Президенти Ҷумҳурии Исломии Эрон Маҳмуд Аҳмадинажод бо як ҳайати баландпоя 24 март озими Душанбе мешавад. Назар ба иттилои Ҳусайн Ширхонӣ, масъули бахши матбуоти Сафорати Эрон дар Душанбе, Маҳмуд Аҳмадинажод дар доираи сафари худ ба Тоҷикистон дар тантанаҳои ҷашнии Наврӯзи байналмилалӣ иштирок намуда, инчунин бо Сарони кишварҳои Тоҷикистон, Афғонистон ва Покистон мулоқот анҷом медиҳад. Ҳамзамон Маҳмуд Аҳмадинажод дар маросими ифтитоҳи Маркази фарҳангии «Хонаи Эрон», ки дар яке аз мавзеъҳои Душанбе бунёд гардидааст, ширкат менамояд. Ҳусайн Ширхонӣ афзуд, ки Маҳмуд Аҳмадинажодро ба Душанбе ҳайати 70 нафараи ҳунармандону мусиқачиёни эронӣ ҳамроҳӣ менамоянд. Инчунин Президенти Эрон дар конфронси панҷуми вобаста ба масъалаҳои ҳамкории иқтисодии минтақавӣ оид ба Афғонистон (RECCA-V), ки рӯзҳои 26-27-уми март дар Душанбе доир мегардад, иштирок ва суханронӣ менамояд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
