Маҳфили «Дугонаҳо»
Хоруғ, 5 март. (АМИТ «Ховар», Л.Додо). – Барои баланд бардоштани савияи дониш ва такмили маҳорату малакаи гулдухтарон дар мактаби президентӣ маҳфили «Дугонаҳо» баргузор гардид. Дар маҳфил асосан ба ҳусну малоҳат, тарзи фиристи дуруд ё салом, истеъдоди сароидани таронаҳои мардумӣ, намоиши либосҳои миллӣ, рақси якка, саҳначаи ҳаҷвӣ ва расму оини миллӣ таваҷҷӯҳи хоса зоҳир гардид. Иштирокдорони маҳфил, ки теъдодашон беш аз 26 нафар буд, ҳамчунин ҳунари кашидадӯзӣ ва дӯзандагӣ, бофандагию қаннодии худро намоиш доданд. Ба қавли коршиносони масоили фарҳангӣ, ҳарчанд синну соли духтарон ҳанӯз хурд аст, вале ҷустӯҷӯ ва кӯшиши онҳо барои эҳёӣ расму суннати мардуми кӯҳистон натиҷаи дилхох ба бор овардааст.Раиси Кумитаи кор бо занон ва оилаи мақомоти маҳаллии ҳокимияти давлатии вилоят Меҳрӣ Ғуломшоева, ки дар ин маҳфил ширкат дошт, гуфт, ки ҳадаф аз баргузории ин чорабинӣ як навъ ёдоварӣ аз хислатҳои хуби занони Шарқ, ҳаё, ҳусну ҷамол ва либоси ҷолибу зебои онҳо мебошад.Дар шароити кунунӣ, ки тавассути интернет ва дигар расонаҳои дунё фарҳангҳои гуногун ҳамарӯза ба насли ҷавон таҳмил мешаванд, баргузор гардидани чунин маҳфилҳо басо муҳим аст. Кӯдакону наврасон ҳар қадар бо расму оини мардуми кишвари худ бештар шинос гарданд, фарҳангҳои бегона ба онҳо ҳамон қадар таъсири камтар мерасонанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






