Маҳфили ёдбуди Б.Ватаев

Душанбе, 15 март. (АМИТ «Ховар», Людмила Дубинина). – Имрӯз, 15 март, дар Маркази илму фарҳанги Русия маҳфили ёдбуди иҷрокунандаи маъруфи нақшҳои асосӣ дар филмҳои бадеии «Ҳасани аробакаш», «Достони Рустам», «Рустам ва Сӯҳроб», «Қиссаи Сиёвуш» Ҳунарпешаи мардумии ФР, ҷоизи мукофоти ба номи Рӯдакӣ Бимболат Ватаев баргузор мегардад. Дар маҳфил аъзои Иттифоқи синамочиёни ҶТ, Ҳунарпешагони мардумии Тоҷикистон Майрам Исоева, Ҳабибулло Абдураззоқов, суратгир ва рассоми бахши синамои тоҷик Заур Дахте, ходимони дигари фарҳангу санъат, ки Бимболат Ватаевро шахсан медонистанд, эҳтироми бепоёни худро нисбат ба ин ҳунарпешаи маъруф иброз доштанд. Б.Ватаев 15 марти соли 1939 дар Иристони Шимолӣ — Алания дар оилаи деҳқон ба дунё омада, соли 1964 дар шаҳри Маскав Омӯзишгоҳи олии театрии ба номи Б.Щукинро хатм карда буд. Фаъолияташро ба ҳайси ҳунарпешаи синамо дар Тоҷикистон бо иҷрои нақши асосӣ дар филми «Ҳасани аробакаш» шурӯъ намуд. Б.Ватаев соли 2000 – ум вафот кард. Хотираи Бимболат Ватаев дар Иристон – Алания ва Тоҷикистон ба таври муқаддас ёд карда мешавад.Дар ин бора ташкилкунандагони маҳфили ёдбуд ба хабарнигори АМИТ «Ховар» иттилоъ доданд.