Маҳсулоти ватании «Ширин» дар арафаи ҷашнҳо

Душанбе, 1 март. (АМИТ «Ховар», Саодати Исайнӣ, Саодат Сафарова). — Ҷамъияти саҳомии кушодаи «Ширин»-и шаҳри Душанбе тайи ду моҳи соли равон қариб 60 тонна маҳсулоти қаннодӣ истеҳсол намудааст. Cариқтисодчии ширкати мазкур Шафоат Пӯлотова иттилоъ дод, ки онҳо ба истиқболи Рӯзи модар ва ҷашни Наврӯз зиёда аз 10 намуд ширинӣ омода намудаанд. Аз ҷумла, мармалоди «Барфак», «Шабнам», «Шири мурғ», инчунин конфетҳои мевагии «Зардолу дар шакалод», «Олу дар шакалод» ва «Бодом дар шакалод» бо сифати хуб ва нархи дастрас пешкаши аҳолии кишвар мегарданд. Маврид ба ёдоварист, ки имрӯз дар ҶСК «Ширин» зиёда аз 180 нафар кор карда, азм доранд, ки то охири соли ҷорӣ 1000 тонна маҳсулоти ширавор истеҳсол намоянд.