Маҷмўаи ёддоштӣ ба хотираи Ҷумъаи Толиб

Душанбе, 15 март. (АМИТ «Ховар», Назрулло Асозода).- Дар арафаи иди матбуоти тоҷик маҷмӯаи фароҳамсохтаи шогирдони рӯзноманигори марҳум Ҷумъаи Толиб бо номи «Кӯҳи ғурур» дар нашриёти «Шаҳпар» ба нашр расид. Китоб мақолаҳои тӯли солҳои гуногун таълифкардаи Ҷумъаи Толиб ва хотироти наздикон, дӯстон, устодону шогирдони ӯро дар бар гирифтааст. Бояд зикр намуд, ки рӯзноманигори боҷасорат Ҷумъаи Толиб баъд аз заҳматҳои тӯлонӣ ниҳоят Бюрои маслиҳатдиҳӣ, сухансанҷӣ ва тадқиқоти журналистиро таъсис дода, дар пайи он ба нашри ҳафтаномаи ҷамъиятиву сиёсии «Пайкон» оғоз кард.