«Манчестер Юнайтед» ва «Манчестер Сити» ҳамтақдир шуданд

Душанбе, 16 март. ( АМИТ «Ховар», Аловиддин Бӯриев).- Дирӯз дар бозихои баргашти 1/8 ниҳоии Лигаи Аврупо дастаҳои машҳури лигаи бартари англис «Манчестер Юнайтед» ва «Манчестер Сити» натавонистанд дар баробари ҳарифони худ хуб ҳунарнамоӣ карда, аз натиҷаи ду бозӣ ба даври ¼ ниҳоӣ роҳхат гиранд. «Манчестер Сити» дар майдони худ «Спортинг»-ро бо натиҷаи 3 бар 2 мағлуб кард, вале натиҷаи вохӯрии нахустин дар Лиссабон, ки бо ҳисоби 1 бар 0 ба нафъи «Спортинг» ба поён расида буд, тақдири роҳхатро ба бозиҳои минбаъда ба фоидаи футболбозони португалӣ ҳал кард. «Манчестер Юнайтед» дар сафар аз клуби «Атлетик»-и Билбао бо натиҷаи 1 бар 2 шикаст хӯрд ва ҳуқуқи идома додани бозиҳоро аз даст дод. Ба бозиҳои 4/1 ниҳоӣ инчунин дастаҳои «Ганновер» ва «Шалке»-и Олмон, «АЗ Алкмар»-и Ҳоланд, «Валенсия» ва «Атлетико» – и Испания, «Металлист»-и Украина роҳхат гирифтанд. Имрӯз дар ин поя қуръакашии бозиҳои Ҷоми чемпионҳо ва Лигаи Арупо дар шаҳри Нйони Швейтсария баргузор хоҳад шуд.