Маърӯзаи Ваколатдор оид ба ҳуқуқи инсон

Душанбе, 1 март. (АМИТ «Ховар»). — Аз натиҷаи таҳлил ва баррасии муроҷиатҳо дар Маърўза([attachment=9]) барои боз ҳам беҳтар шудани вазъи риоя ва таҳкими ҳуқуқи инсон 83 тавсия (соли 2010-58) пешниҳод гардидааст, ки ба такмили минбаъдаи қонунгузорӣ ва таҷрибаи судӣ оид ба беҳтар намудани дастрасӣ ба адолати судӣ; амалӣ намудани ислоҳоти соҳаи адвокатура бо мақсади ташкили низоми мукаммал ва такмилёфтаи адвокатура дар Ҷумҳурии Тоҷикистон; таъмини дастрасӣ ба мурофиаҳои судии кушода ба ҳамаи шахсоне, ки таъмини муҳокимаи одилонаи судиро дар доираи талаботи қонунгузорӣ назорат менамоянд; ба таври пайваста гузаронидани мониторинги мурофиаҳои судӣ бо мақсади беҳтар намудани риояи ҳуқуқ ба муҳокимаи одилонаи судӣ; ба қонуни мурофиавии ҷиноятӣ дохил намудани меъёри ўҳдадоркунанда, ки тибқи он корманди мақомоти ҳифзи ҳуқуқ, ки шахсро дастгир мекунад, ўҳдадор карда шавад, ки шахси дастгиршударо оид ба асосҳои дастгиршавӣ, ҳуқуқ ба ҳимоя, ҳуқуқи ба суд шикоят намудани дастгиршуда; қонунгузории амалкунанда дар самти ҳуқуқ ба озодии ибрози ақида, воситаҳои ахбори омма, дастрасӣ ба иттилоот таҷдиди назар карда шавад ва ғайраҳо вобастагӣ дорад.