Маркази нав дар Панҷакент

Душанбе, 13 март. (АМИТ «Ховар», Лутфия Эшонқулова). – Дар заминаи собиқ беморхонаи минтақавии Кӯктоши Ҷамоати Халифа Ҳасани ноҳияи Панҷакенти вилояти Суғд Маркази ҷилавгирӣ ва муолиҷаи бемориҳои дил ва рагҳои хунгард таъсис меёбад. Тибқи хабари хадамоти матбуоти раиси вилояти Суғд, барои таҷдиду тармим ва хариди таҷҳизоти мавриди зарурати маркази мазкур аз буҷаи Мақомоти иҷроияи ҳокимияти давлатии шаҳри Панҷакент 70 ҳазор сомонӣ ҷудо карда шудааст.Мувофиқи суханони манбаъ, марказ дорои 60 кат хоҳад буд. Бунёду тармими маркази тансиҳатиро Ҷамъияти масъулияташ маҳдуди «Раёсати сохтмонии №30» ба ӯҳда дорад.